尖沙咀|和牛燒肉‧純

地址：尖沙咀東部加連威老道96號希爾頓大廈1樓3號舖 環境：環境日系有情調，座位寬闊，坐得舒適，仲有唔少包廂畀三五朋友開心gathering 食物： //特選日本產和牛西冷＆豪華燒// 一上枱嘩嘩聲😍 擺盤好靚，有日本產和牛西冷、特選日本產和牛牛排肉、日本產和牛肩眼，日本產和牛上牛排肉，厚切牛舌，款款油脂分布都平均，肉質粉紅鮮嫩，燒一燒就食得，入口即溶，牛味香濃。 豆腐沙律 和牛油脂咁豐富，要食啲清新菜式中和一下，呢個沙律夠清新，沙律菜新鮮，豆腐軟滑，簡簡單單調味已經好好食 檸檬汽酒，巨峰汽酒 果味汽酒甜甜酸酸，女士都易入口，配埋燒肉食仲冇咁容易膩添